Уонтан элбэх оҕолоох ыалга – 2,6 мөл. солкуобай

Бөлөххө киир:

Уонтан элбэх оҕолоох ыал олорор усулуобуйаларын тупсарыыга биир кэмнээх социальнай көмөнү оҥорор туһунан СӨ бырабыыталыстыбатын уурааҕа былырыын тахсыбыта.

edersaas.ru


Ол чэрчитинэн, улуустааҕы социальнай харыстабыл управлениелара чааһынай дьиэни туттуон баҕалаах уонтан элбэх оҕолоох ыаллар испииһэктэрин оҥорон бэлэмнээбитэ. Тохсунньу 1 күнүнээҕи туругунан, Сунтаар уонна Хаҥалас улуустарыттан испииһэккэ уопсайа биэс ыал киллэриллибит.

Туһааннаах үбүнэн көмө кээмэйэ дьиэ кэргэн састаабыттан тутулуктаах. Билиҥҥитэ бу суума биир ыалга 2 646 378 солк. быһыллан, 2017 сыллааҕы бүддьүөккэ 13 672 953 солк. көрүллүбүт.

Анивера Акимова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0