close
Уорууга уорбаланааччылары туттулар
Бэрээдэк - Олох-дьаһах

Уорууга уорбаланааччылары туттулар

«Кыра» уоруйахтар аҕыйах тыһыынча харчы туһуттан олохторугар хара мэҥ түһэрэллэр, биографияларын буортулууллар.  

edersaas.ru


Хаҥалас улууһугар 78 саастаах оҕонньор Дьокуускай куоракка балыыһаҕа сытар кэмигэр дьиэтин халаабыттар. Уопсайа 10 тыһ. солк. суумалаах хоромньу тахсыбыт.

Бу уорууга уорбаланааччылары — икки 18 уонна биир 17 саастаах уолаттары — сотору кэминэн туппуттар.

Барыллаан быһаарыынан, бу урдустар оҕонньор балыыһаҕа сытарын билэллэр эбит, ол иһин суоҕунан туһанан, дьиэтин аанын күлүүһүн алдьатан киирэн, сүүскэ кэтиллэр банаары уонна копилкаттан 600 солк. харчыны уорбуттар.

Онтон гараастан шуруповерт уонна бэнсииннээх 10 л канистраны ылбыттар. Ити маллары барытын атыылаан-батаран, харчыланар былааннаахтар эбит да, оперативниктарга тутуллан, онтулара туолбатах.

Онтон Мэҥэ Хаҥалас улууһугар 26 саастаах уолтан суумкатыттан харчытын уорбуттар. Эмсэҕэлээччи быһаарбытынан, кини суумкатын таҥас ыйыыр сиргэ хаалларан кэбиспит.

Ол кэмҥэ кафеҕа биир киһи үлэһиттэр сылдьар ааннарынан киирэн, таҥас ыйыыр сиргэ суумка турарын көрбүт уонна ким да суоҕунан туһанан, суумкаттан 2500 солк. уорбут.

Урут сууттана сылдьыбыт, Уус Алдантан төрүттээх 37 саастаах уорбаланааччыны «сылааһына» булан туппуттар. Кини полицейскайдарга быһаарбытынан, ити харчынан дьиэтигэр айанын төлөөрү оҥостубут.

Бу чахчыларынан «уоруу» ыстатыйанан холуобунай дьыалалар тэриллибиттэр.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн

#бүгүн: 1
2
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

двадцать − 20 =