Ааспыт сыл сэтинньи ыйын устатыгар Дьокуускай куоракка уонна Мэҥэ Хаҥалас улууһугар уоруунан дьарыктаммыт тэрээһиннээх бөлөҕү туппуттара. Бу бөлөх түөрт чилиэнигэр суут уурааҕа таҕыста.
Уоруйахтар киин куорат кытыытыгар уонна Мэҥэ Хаҥаласка чааһынай дьиэлэри, гараастары халаабыттар. Сүрүннээн, инструменнары, автомуойкалары, тэлэбиисэрдэри, бултуур тэриллэри, ботуруоннары, сканеры, принтеры, иистэнэр массыынаны, массыынаны сабар суорҕаны уонна эти уорбуттар.
Кинилэр дьайыыларыттан 14 киһи эмсэҕэлээбит.
СӨ Борокуратууратын пресс-сулууспата:
— Суут уурааҕынан П. 6 сыл 6 ыйга кытаанах эрэсиимнээх, М. 5 сыл 6 ыйга уопсай эрэсиимнээх, С. 7 сыл 20 күҥҥэ ураты эрэсиимнээх холуонньаларга көҥүллэрэ быһылынна. Я. 2 сыл 1 ыйга көҥүлэ быһыллара усулуобунайынан ааҕыллан, 2 сыл тургутар болдьоххо уурулунна.
Бириигэбэр сокуоннай күүһүгэр киирэ илик, өрүттэр ааһыныахтарын сөп.
Биһиги корр., «Саха сирэ» хаһыат, edersaas.ru
Хаартыска: интэриниэттэн