РФ президенэ Владимир Путин Уһук Илин регионугар уот тарыыбын Россия орто көрдөрүүтүгэр тэҥниир туһунан өссө иллэрээ сыллааҕыта эппитэ. «Электроэнергетика туһунан» федеральнай сокуоҥҥа уларыйыылар киирэннэр, дьэ хамсааһын тахсан эрэр.
Анивера Акимова, «Саха сирэ» хаһыат, edersaas.ru
Бу күннэргэ РФ энергетикэтин миниистирэ Александр Новак Судаарыстыбаннай Дуума дьокутааттарын кытары көрсүһүүгэ, тарыыбы тэҥнээһин от ыйын 1 күнүттэн саҕаланан барыахтааҕын туһунан эппитин, Уһук Илин регионун сайдыытын министиэристибэтин пресс-сулууспата суруйар. Миниистир бу иннинээҕи көрсүһүүгэ уот тарыыбын намтатыы икки-үс сылынан биирдэ олоххо киириэхтээҕин иһитиннэрбитэ.
Онон, электроэнергия тарыыба Чукоткаҕа – 65 %, Саха сиригэр – 50 %, Сахалиҥҥа – 46 %, Магадан уобалаһыгар – 34 %, Приморьеҕа – 20%, Камчаткаҕа – 21%, Еврейскэй автономнай уокурукка – 17%, Амурскай уобаласка итиэннэ Хабаровскай кыраайга – 5% намтыаҕа. Санатан эттэххэ, тарыып нэһилиэнньэҕэ буолбакка, Уһук Илин регионугар үлэлиир предприятиеларга намтыаҕа.
Хаартыска: интэриниэттэн.
Анивера Акимова, «Саха сирэ» хаһыат, edersaas.ru