close
Устудьуоннар этэрээттэригэр саҥа үлэ сезона саҕаланна...
Олох-дьаһах

Устудьуоннар этэрээттэригэр саҥа үлэ сезона саҕаланна

Саха Өрөспүүбүлүкэтин устудьуоннарын этэрээттэрин өрөспүүбүлүкэтээҕи штабын салайааччыта Айсен Соловьев Ил Дархан эбээһинэһин быстах кэмҥэ толорооччу Айсен Николаевка саҥа үлэ сезонугар бэлэмнэрин туһунан дакылааттаата. 

«Арассыыйа күнүгэр устудьуоннар этэрээттэригэр саҥа үлэ сезона саҕаланар. Устудьуоннар этэрээттэригэр ыччат салайар, тэрийэр уонна дойдутун туһугар үлэлиир дьоҕурун арыйар«, — диэн этиинэн устудьуоннар этэрээттэригэр сайыҥҥы үлэ кэмин Айсен Николаев арыйда.

«Маны таһынан, устудьуоннар этэрээттэрин быйыл сайын ыарахан үлэ күүтэр. Элбэх ыччат халаан уутуттан эмсэҕэлээбит бөһүөлэктэри уонна сэлиэнньэлэри чөлүгэр түһэриигэ үлэлиэҕэ«, — диэн эбии бэлиэтээтэ. Ити үлэни кыайыахтара диэн эрэллээҕин биллэрдэ.

Николай Попов, «Саха сирэ» хаһыат, edersaas.ru

#бүгүн: 1
0
0

Сайт матырыйаалларын ааптар көҥүлэ суох ылар бобуллар.