Устудьуоннар Кытайга ыһыах тэрийдилэр

Бөлөххө киир:

Кытайга олорор, үөрэнэр устудьуоннар, аспираннар уонна «Илин Долгун» уопсастыбаннай түмсүү  тэрийиитинэн,  Пекин куоракка ыам ыйын 21 күнүгэр сайын кэлбитин уруйдаан-айхаллаан ыһыах ыстылар.

Анивера Акимова, «Саха сирэ» хаһыат, https://edersaas.ru/
Пекин куоракка ыытыллыбыт сахалар бырааһынньыктара Саха сирэ Россия састаабыгар киирбитэ 385 сылыгар  уонна Олоҥхоҕо ананна. Тэрээһиҥҥэ  Россия посольствотын үлэһиттэрэ, уопсастыбаннай тэриллиилэр, Кытай хампаанньаларын бэрэстэбиитэллэрэ уонна биир дойдулаахтарбыт  кытыннылар. Ыһыахха кэлбит дьону-cэргэни ыраастааһын, сахалыы сиэринэн арыылаах алаадьынан, кымыһынан айах тутуу сиэрэ-туома ыытылынна.

Пекиннээҕи искусство колледжыгар үөрэнэ сылдьар Саха сирин устудьуоннара, бу бырааһынньыгы сылы быһа кэтэһэллэр. Ыһыахха сахалыы таҥнан-симэнэн кэлэн, оһуохайдыыллар, ыллыыллар-туойаллар. Быйылгы ыһыахха аатырбыт Иннокентий Тарбаахап ыалдьыттаан, сахалыы тыыннаах ураты бүлүүдэлэринэн күндүлээтэ. Кини ыһыахха номнуо хаһыс да кыттыыта. Былырыын оҕолорго анаан  минньигэс туорду оҥорон бэлэхтээбитэ.

Ыһыах тэрээһинигэр  Саха сирин Кытайга бэрэстэбиитэлистибэтэ ( Представительство Республики Саха (Якутия) в составе Торгпредства России в Китае) улахан күүс-көмө буолла.

Анивера Акимова, «Саха сирэ» хаһыат, https://edersaas.ru/

+1
0
+1
0
+1
0
+1
0
+1
0
+1
0
+1
0