«Үөрүү-көтүү уруога» бырайыак чэрчитинэн, бу күннэргэ Дьокуускайдааҕы медицинскэй колледж устудьуоннара онко-ыарыылаах оҕолорго «Лисичка со скалочкой» уонна «Теремок» остуоруйалары көрдөрдүлэр.
www.edersaas.ru
Медицинэ национальнай киинин онкогематологическай салаатыгар онко-ыарыылаах оҕолор хас да ыйы быһа, сорохтор сылы-сыллаан сыталлар. Онон маннык тэрээһиннэр оҕолорго үтүө эрэ дьайыылаахтар. Ыарыһах оҕолор күннээҕи олохторун чэпчэтэр, ыарыыларын умуннарар сыаллаах тэрээһиннэр «МегаФон» ПАУо коммерческай өйөбүлүнэн 2014 сылтан ыытыллаллар.
Устудьуон-волонтердар бөлөхтөрүн координатора Фаина Филиппова кэпсииринэн, устудьуоннар оҕолору кытары уруһуйдууллар, аппликациялары, араас интэриэһинэй оҥоһуктары оҥороллор, араас остуоруйалары туруоран көрдөрөллөр.
Маннык аһымал акциялары мобильнай хампаанньа оператора тиһигин быспакка ыытар. Хампаанньа Саха сиринээҕи салаатын пресс-сэкирэтээрэ Анатолий Трофимов иһитиннэрбитинэн, оҕолор арт-терапия көмөтүнэн ыарыыларын арыый да чэпчэкитик аһарыналлар. Уһук Илин регион алта куоратыгар маннык хабааннаах уруоктар ыытыллыбыттар. Уопсайа, 420 оҕо хабыллыбыт.
Анивера Акимова, «Саха сирэ» хаһыат, https://edersaas.ru/