Ньурба улууһугар 29 саастаах өлөрүөхсүккэ суут бириигэбэрэ таҕыста.
Суут быһаарбытынан, бу киһи 2017 сыл алтынньы 7 күнүгэр С. диэн киһилиин бииргэ арыгылаабыттар. Ол олорон, анараата кинини үөҕээччи буолбут. Ону сөбүлээминэ, үөхпүт киһи утуйбутун кэнниттэн, ыскааптан саха быһаҕын ылан, кинини сүрэххэ быһаҕынан анньан, миэстэтигэр өлөрбүт.
Суут мунньаҕын кэмигэр сууттанааччы оҥорбут буруйун толору билиммит, кэмсиммит итиэннэ эмсэҕэлээччи дьонугар моральнай хоромньуну төлөөбүт.
Суут кинини киһини соруйан өлөрүүгэ буруйдааҕынан билинэн, 10 сыл 6 ыйга кытаанах эрэсиимнээх холуонньаҕа көҥүлүн быһарга уурда.
Бириигэбэр сокуоннай күүһүгэр киирэ илик, өрүттэр ааһыныахтарын сөп диэн СӨ Борокуратуурата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1