Уу суолунан таһаҕаһы тиэйии түмүктэнэн эрэр

Бөлөххө киир:

Бүгүн «Өлүөнэтээҕи холбоһуктаах пароходсто» ААУо балаҕан ыйдааҕы былааны толорууга уонна алтынньы ыйдааҕы соругу быһаарыыга бары филиалларын кытта араадьыйанан мунньах оҥордо. Биллэрин курдук, билигин уунан таһаҕаһы тиэйиигэ саамай эппиэтинэстээҕин ааһан, былдьаһыктаах кэм.

edersaas.ru


Мунньаҕы «Өлүөнэтээҕи холбоһуктаах пароходсто» ААУо генеральнай дириэктэрэ Сергей Ларионов ыытта. Бастатан туран, таһаҕаһы тиэйиигэ кыттыбыт бары экипажтарга махталын тиэртэ. Балаҕан ыйынааҕы туругунан былаан 101 % туолбут, бу былырыыҥҥытааҕар 38 тыһ. тоннанан элбэх. Ол гынан баран, тустаах аадырыска 42 тыһ. тонна тиэрдиллиэхтээх. Санатар буоллахха, быйылгы былаан өрүстэргэ уу таһыма мөлтөҕүн үрдүнэн туолан эрэрин бэлиэтээтилэр.
Билиҥҥи туругунан, 180 анал суудуна үлэлии сылдьар, итини тэҥэ, 36 соһор теплоход көмөлөһөр.
Хампаанньа кылаабынай инженерэ Виктор Шадрин: «Балаҕан ыйыгар үлэ этэҥҥэ барда. Суудуналар алдьаныылара тахсыбыта. Онон хаалбыт бириэмэҕэ бары этэҥҥэ үлэлиэхтэрэ диэн эрэнэбит», – диэн иһитиннэрдэ.

Александр ТАРАСОВ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0