Өрөспүүбүлүкэҕэ навигация бүтэрэ ыйтан ордук эрэ кэм хаалла. Онон былдьаһыктаах күннэр үүннүлэр. Таһаҕаһы тиэйии хаамыытыгар туһуламмыт мунньаҕы бүгүн Бырабыыталыстыбаҕа вице-премьер Алексей Колодезников иилээн-саҕалаан ыытта.
edersaas.ru
Быйыл өрүстэргэ уу таһыма түһэн, ордук арктическай навигацияҕа балаһыанньа кытаатта.
Былаан быһыытынан өрөспүүбүлүкэ өрүстэринэн судаарыстыба наадыйыытыгар 1245,0 тыһыынча туонна таһаҕас тиэллиэҕиттэн, 84,8 %-на таһылынна.
Арктика оройуоннарыгар уу суолунан 382,1 тыһыынча туонна таһаҕас тиэллиэхтээҕиттэн, билиҥҥитэ миэстэтигэр 66,2% тиэрдилиннэ.
Дьааҥы өрүскэ уу таһыма арыый да үрдээн, “Дьааҥытааҕы өрүс пароходствота” ХЭТ уонна “Өлүөнэтээҕи холбоһуктаах пароходство” ПАУо Нижнеянскайтан Уус Куйгаҕа диэри тиэйии үлэтин саҕалаабыттар.
Гидромет исписэлииһэ иһитиннэрбитинэн, Өлүөхүмэ улууһугар күүстээх ардах түһэрэ күүтүллэр. Онон, бээтинсэҕэ киин улуустарга эмиэ ардыаҕын билгэлииллэр. Бу кэнниттэн халлаан эмискэ тымныйара сабаҕаланар.
edersaas.ru