«ОДьКХ» биллэрбитинэн, түүн Уус Алдан Сыырдааҕар хочуолунай умайбыт. Уоту үс чааһынан умулларбыттар. Хочуолунай дьиэтэ толору уокка былдьаммыт, уу баахтара эмсэҕэлээбэтэхтэр.
Владимир Бондарь, «ОДьКХ» сүрүн инженерин солбуйааччы:
— Уокка дьон эмсэҕэлээбэтэ. Баһаар биричиинэтин быһаара анал хамыыһыйа Уус Алдаҥҥа айаннаабыта. 1 МВт күүстээх, уматыгынан үлэлиир хочуолунайы Сыырдаахха ыытылынна. Бу хочуолунайга холбоммут эбийиэктэр сылааһынан хааччыллыахтара.
Умайбыт хочуолунай 3,3 МВт күүстээҕэ. Кини оскуоланы, оҕо саадын, спорт сааланы уонна дьон олорор дьиэлэрин сылытара. Сэлиэнньэҕэ оттугунан үлэлиир саҥа хочуолунай тутуута былааннанна.
Николай Попов, «Саха сирэ» хаһыат, edersaas.ru
+1
+1
+1
+1
+1
+1
+1