Уус Алдан таксита суол быһылааныгар түбэстэ

Ааптар: 
Бөлөххө киир:

Бэҕэһээ, муус устар 18 күнүгэр, күнүс 13.30 чаас саҕана, Дьокуускайтан Уус Алдан Бороҕонугар айаннаан испит такси 70-с километрга суол быһылааныгар түбэспитин туһунан ГИБДД управлениета иһитиннэрдэ. 

edersaas.ru

Суоппар уонна хас да киһи массыына инники тааһынан, кэлиҥҥи уонна ойоҕос ааннарынан эһиллибиттэр.

27 саастаах суоппар полицейскайдарга быһаарбытынан, уруулун кыайан салайбакка, массыыната уҥа диэки халыйан, үстэ эргийэн, күбүөккэ тиийэн  түҥнэстибит. Ол түмүгэр, биир дьахтар сиһин тоноһоҕун эчэппит, биир киһи  мэйиитэ доргуйбут. Барыта 8 киһи айаннаан испит.

Медицинскэй туоһулааһын бигэргэппитинэн, суоппар арыгы испэтэх.

Санатар буоллахха, өрөспүүбүлүкэҕэ улуустарга дьону таһар такси кыттыылаах бу номнуо хаһыс да суол быһылаана таҕыста. Ол иһигэр, хас да киһи өлүүлээх суол быһылааннара.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0