Уус Алдан улууһун тыатын хаһаайыстыбатын ырытан көрдөрөр кинигэ таҕыста
Бороҕон олохтоохторо бу күннэргэ “Уус Алдан улууһун тыатын хаһаайыстыбата: ааспыт уонна билиҥҥи кэм” диэн кинигэ бэчээттэнэн тахсыытын сүрэхтээтилэр.
edersaas.ru
Кинигэни тыа хаһаайыстыбатын эйгэтин иһиттэн билэр киһи, өр сылларга тыа хаһаайыстыбатын управлениетыгар таһаарыылаахтык үлэлээбит, зоотехник идэлээх Надежда Федотова сэттэ сыл устата дьаныһан, хомуйан оҥорбут. Ааптар элбэх матырыйаалы, ол иһигэр 32 публицистика, 32 монография литературатын, 101 архыып докумуонун итиэннэ элбэх ахтыылары хасыһан, Уус Алдаҥҥа тыа хаһаайыстыбатын үлэтин-хамнаһын араас кэрдиис кэмнэринэн толору арыйан көрдөрөр дьоһун кинигэни биир дойдулаахтарыгар ууммутун СГТХА академига, профессор Афанасий Чугунов үрдүктүк сыаналаата.
Онон, тустаах улуус олохтоохторо эрэ буолбакка, өрөспүүбүлүкэ тыатын хаһаайыстыбатын историятын уонна билиҥҥитин үөрэтээччилэр, кинигэни таптааччылар остуолга уура сылдьан көрөр, туһанар бэртээхэй кинигэлэннилэр.
Раиса Сибирякова, “Саха сирэ”, edersaas.ru