Уус Маайа окко былаанын улахан аҥаарын толордо!

Ааптар: 
Бөлөххө киир:

Хайа да сыллааҕар үчүгэй күн-дьыл туран биэрэн, Уус Маайа улууһун дьоно-сэргэтэ оту син балачча сомсон эрэр. Тыа хаһаайыстыбатын управлениетын начаалынньыга Гаврил Борохин кэпсииринэн, улуус үрдүнэн барыта 1 тыһ. 356 ынах сүөһү уонна 1 тыһ. 332 сылгы баар, 3 тыһ. 11 туоннаны оттуурга былаан түһэриллибит. Атырдьах ыйын 14 күнүнээҕи туругунан, 153 гектар ходуһа ото охсуллубут, 1 тыһ. 878 туонна от кэбиһиллибит. Көрдөрүү өссө үчүгэй буолуоҕун, от ыйын 20-21 күннэригэр Нуотара уонна Хатарҕан үрэхтэр уулара Муокуйа, Хооҥкура ходуһаларыгар тахсан, охсуллубут оту ылбыта итиэннэ бу кэлин ардах түспүтэ атахтаабыт. Ити гынан баран, билигин да бириэмэ баар, былаан холкутук толоруллуо. Ходуһаҕа эрдэ киирбит ыаллар сорохторо оттоон бүтэн эрэллэр.

Билиҥҥитэ атын улуустартан отчуттар суохтар, бачча от наада диэн хантан да сайаапка түһэ илик. Ол эрээри, улуус хаһаайыстыбалара икки биригээдэни тэрийэн, саппааска оттооһуну саҕалаатылар.

Уус Маайаттан Евсей ЛУГИНОВ, Саха сирэ” хаһыат, edersaas.ru сайтка анаан.

Бөһүөлэктэн чугас оттуур хаһаайыстыбалар отторун утары тиэйэллэр.

+1
0
+1
0
+1
0
+1
0
+1
0
+1
0
+1
0