Бэҕэһээ Волгоградка буолбут Арассыыйа уонна Куба боксаҕа сүүмэрдэммит хамаандаларын матчевай көрсүһүүлэригэр хаһаайыттар 6:4 ахсаанынан кыайыылаах таҕыстылар.
edersaas.ru
Манна 49 киилэҕэ диэри ыйааһыҥҥа Арассыыйа чиэһин саха боксаҕа оскуолатын иитиллээччитэ, Мэҥэ Хаҥаластан төрүттээх Василий Егоров көмүскээтэ. Аан дойду призера, Европа хас да төгүллээх чөмпүйүөнэ утарылаһааччытын Арсе Дуартены очукуонан баһыйа тутта.
“Новости” РИА-ҕа биэрбит интервьютугар Василий кубинец Дуарте бу ыйааһыҥҥа аан дойдуга биир күүстээх боксер буоларын, былырыын аан дойду икки төгүллээх чөмпүйүөнүн, Олимпийскай оонньуулар боруонса призердарын Архилагоһы итэҕэтиилээхтик кыайан турарын эттэ, уонна бэйэбэр түөрт сыананы туруорунабын, тоҕо диэтэххэ, күүстээх дьарык күөнүгэр киирсибит буоламмын, үһүс рауҥҥа сылайа быһыытыйбытым диэтэ.
Көрсүһүү 6:4 ахсаанынан рингэ хаһаайыттарын туһаларыгар түмүктэннэ.
Иккис көрсүһүү бүгүн, бээтинсэҕэ, эмиэ Волгоградка буолар. Манна Арассыыйа сүүмэрдэммит хамаандатын састаабыттан 52 киилэҕэ диэри ыйааһыҥҥа биир дойдулаахпыт Артур Ложников киирсиэҕэ.
Роман Попов, edersaas.ru
Хаартыска Интэриниэттэн ылылынна.