Күрэхтэһии бастакы күннэригэр Саха сирин хамаандатын 20-чэ уола киирсибититтэн, үс уол этэҥҥэ иһэр.
Саха сирин хамаандатын бастыҥ боксера, аан дойду чөмпүйэнээтин иккис призера, Арассыыйа спордун үтүөлээх маастара Василий Егоров 49 киилэҕэ диэри ыйааһыннаахтарга итэҕэтиилээхтик Москва боксерун Виктор Кулдошины, Тулаттан сылдьар Рашид Гасановы кыайан, финал ¼-гэр Татарстантан Шамиль Котлубаевы хотон, финал аҥаарыгар ааста. Василий финал аҥаарыгар Арассыыйа чөмпүйүөнэ Артыш Сояны кытта күөн көрсүөҕэ. Бу тыҥааһыннаах киирсии алтынньы 19 күнүгэр буолуоҕа. Уолбутугар ыалдьыаҕыҥ.
Саха Өрөспүүбүлүкэтин хамаандатын хапытаана Борис Сидоров финал ¼-гэр Бурятияттан норуоттар икки ардыларынааҕы кылаастаах спорт маастарыгар уопуттаах Батор Салогуевка кыайтаран туораата.
Николай ПОПОВ, «Саха сирэ» хаһыат, edersaas.ru
+1
+1
+1
+1
+1
+1
+1