close

Василий Егоров Германия боксерунуун күөн көрсүөҕэ...
Дьулуур - Олох-дьаһах

Василий Егоров Германия боксерунуун күөн көрсүөҕэ

 

Сайын спортсменнар үксүлэрэ сынньаналлар эбэтэр күүскэ эрчиллэллэр. Ол курдук, Арассыыйа боксаҕа сүүмэрдэммит хамаандата бэс ыйын 27 күнүттэн саҕалаан от ыйын 19 күнүгэр диэри Приэльбрусьеҕа күүстээх дьарыкка сылдьар. От ыйын 22 күнүгэр, Норуоттар икки ардыларынааҕы бокса күнүгэр аналлаах, Германия боксаҕа сүүмэрдэммит хамаандатын кытта Москваҕа табаарыстыы көрсүһүүгэ киирсиэхтэрэ. 49 киилэҕэ диэри биһиги уолбут Василий Егоров киирсэрэ бигэргэтиллибит.

edersaas.ru

“Арассыыйа хамаандата билигин Приэльбрусье хайаларыгар эрчиллэ сылдьар. Германия хамаандатын кытта күөн-көрсүһүүгэ 10 ыйааһыҥҥа киирсиилэр буолуохтара. Ким киирсэрэ быһаарыллыбыта. Ити киирсиилэр биһиэхэ дьарык курдук ааһыахтара. Анаан бэлэмнэнии ыыппаппыт”, — диир Арассыыйа сүүмэрдэммит хамаандатын сүрүн тириэньэрэ Эдуард Кравцов.

Германия хамаандатын утары Василий Егоров (49 кг), Тамир Галанов (52 кг), Шахриер Ахмедов (56 кг), Альберт Батыргазиев (60 кг), Павел Федоров (64 кг), Владислав Савостьянов (69 кг), Глеб Бакши (75 кг), Георгий Кушиташвили (81 кг), Муслим Гаджимагомедов (91 кг) уонна Илья Квасников (+91 кг) тахсыахтара.

Николай Попов, «Саха сирэ» хаһыат, edersaas.ru

#бүгүн: 1
1
0

Сайт матырыйаалларын ааптар көҥүлэ суох ылар бобуллар.