Нерюнгрига оройуон күннэрин, куорат төрүттэммитэ 42 сылын уонна Сомоҕолоһуу күнүн бэлиэтээри араас тэрээһиннэр ыытыллыахтара. edersaas.ru
Бу тэрээһиннэр чэрчилэринэн, сэтинньи 3 күнүгэр Нерюнгри оройуонун дьаһалтатыгар үөрэнээччилэр XXIII Сурдлимпийскай оонньуулар чөмпүйүөннэрин Василий Стрекаловскайы кытта көрсүөхтэрэ.
Sportyakutia.ru сайт иһитиннэрэринэн, Василийга Нерюнгри оройуонун баһылыга Виктор Станиловскай Нерюнгри куоракка үс хостоох кыбартыыра ылынарыгар сертификаты туттарыаҕа. Бэлиэ күннэр устата чөмпүйүөн “Триумф”, “Лидер” спортивнай оскуолалар иитиллээччилэрин кытта көрсүөҕэ, маастар-кылаастары ыытыаҕа.
Санатан суруйдахха, Василий Стрекаловскай Нерюнгритааҕы “Эрэл” спортивнай оскуола иитиллээччитэ буолар. Сэттэ сааһыгар төрөппүттэрэ “СУВАГ” кииҥҥэ уолларын эмтэтээрилэр Уус Алдантан Нерюнгрига көспүттэр. Манна олорон, Василий Ким Колодезниковка тустуунан дьарыктанан саҕалаабыта. Дмитрий Тарабукин, Андрей Запорожскай, Евгений Коломиец, Екатерина Мельникова, Анастасия Табаева курдук биллэр спортсменнары кытта бииргэ эрчиллибитэ. edersaas.ru
Хаартыска: Интэриниэттэн.