close
Виктор Лебедев – Дьокуускай куорат бочуоттаах гражданина...
· - Дьулуур

Виктор Лебедев – Дьокуускай куорат бочуоттаах гражданина

Дьокуускай куорат дууматын дьокутааттара уочарата суох түөрт уон биирис сессияларыгар Арассыыйа спордун үтүөлээх маастара Виктор Лебедевка “Дьокуускай куорат бочуоттаах гражданина” ааты иҥэрэр туһунан быһаарыыны биир санаанан ылыннылар. edersaas.ru

Бу быһаарыы көҕүлээччилэринэн “Дьокуускай куорат” кураттааҕы уокурук баһылыга Айсен Николаев уонна Дьокуускай куораттааҕы дуума бэрэссэдээтэлэ Александр Саввинов буолаллар.

Санатар буоллахха, бу бээтинсэҕэ “Триумф” спорт киинигэр көҥүл тустууга аан дойду чөмпүйүөнэ, спорт үтүөлээх маастара Виктор Лебедевы улахан спортан үөрүүлээхтик атаарыы буолар.

Тэрээһиҥҥэ дойду биллиилээх бөҕөстөрө – аан дойду, Европа, Олимпийскай оонньуулар чөмпүйүөннэрэ, призердара – кыттыыны ылыахтара.

Биир дойдулаахпытын, аан дойду чөмпүйэнээтин икки кыһыл көмүс, икки боруонса мэтээллэрин хаһаайынын, Европа оонньууларын кыайыылааҕын, Европа чөмпүйэнээтин призерун, аан дойду Кубогын икки төгүллээх кыайыылааҕын, Арассыыйа алта төгүллээх чөмпүйүөнүн Виктор Лебедевы Лондоннааҕы Олимпиада боруонса призера Денис Царгуш, аан дойду чөмпүйүөнэ Ирбек Фарниев, Афинатааҕы Олимпиада кыайыылааҕы Хаджимурат Гацалов, аан дойду призера Анзор Болтукаев, Пекиннээҕи Олимпиада боруонса Радослав Великов эҕэрдэлиэхтэрэ, алгыс баһын сыалыахтара.

Роман Попов, “Саха сирэ” хаһыат, edersaas.ru

1
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

восемь + семь =

INSTAGRAM ЛИЭНТЭТЭ

Instagram батыһан бар