Тыва киин куоратыгар Бурятия, Красноярскай кыраай, Новосибирскай, Кемеровскай уобаластар, Хакасия, Кемерово, Саха сирин, Сибиир, Уһук Илин регионнарын хамаандалара кыттыыылаах “Азия киинэ” Бүтүн Арассыыйатааҕы күрэхтэһии буолла. Манна Саха сириттэн үс бөҕөс тиийэн кытынна.
Тустууну сэҥээрээччилэр болҕомтолоро саха тустуутун бүгүҥҥү эрэлэ Виктор Рассадин кыттыбыт 65 киилэҕэ диэри ыйааһыҥҥа туһуланна. Виктор бастакы хапсыһыыларыгар спорт маастарыгар хандьыдаат Руслан Жендаевы (Красноярскай) уонна Илья Кызыл-оолу (Тыва) 10:0 ахсаанынан баһыйа тутаттаата. Салгыы Сылдыс Монгуһу (Тыва) кыайда — 7:0. Финал аҥарыгар өссө биир олохтоох тустуугу Шолбач Кужугеты кытта тустан кыайыылаах таҕыста — 12:1.
Чөмпүйүөн аатын былдьаһар хапсыһыыга Виктор Европа үс төгүллээх чөмпүйүөнүгэр Сат Опаҥҥа (кини билигин Чингисхаан Эрдоган аатынан Турция чиэһин көмүскүүр) 2:8 ахсаанынан сабырыйтарда.
Атын бөҕөстөрбүт барыллаан хапсыһыыларга хоттортоотулар.
Роман Попов, edersaas.ru