«Саха ыччатын — промышленноска-18: көмүс, таас чох, тимир суол, «Восточнай» космодром» (ВИКТОРИНА)
«СЫП-18»: көмүс, таас чох, тимир суол, «Восточнай» космодром
2009 сыллаахтан бэттэх «Эдэр саас» хаһыат уонна «Я — ИНЖЕНЕР» диэн техническэй үөрэх кыһаларын бүтэрбиттэр түмсүүлэрэ кыттыһан ыччаты промышленноска уһуйар, сирдиир «СЫП» (саха ыччатын — промышленноска) бырайыагы үлэлэтэр. Викторинаҕа кыттыҥ!
Оскуола оҕолорун идэҕэ туһаайар экспедициябыт быйыл онус сылын ыытыллар. “Дьокуускай – Алдан – Нерюнгри – Циолковскай – Благовещенскай” хайысханан айанныыбыт. Оҕолору “Алданзолото”, “Колмар”, “Якутуголь”, “Селигдар”, “Амурский металлург” хампаанньалар эбийиэктэригэр, “Зея” собуокка, “Аметист” химсобуокка тимир суолга, “Восточнай” космодромҥа сырытыннарар былааннаахпыт.
“СЫП”-ка уолуттан-кыыһыттан тутулуга суох, техническэй үөрэх кыһатыгар үөрэнэ барыан баҕалаах, тохсус кылааска эксээмэннэригэр химияны биитэр физиканы туттарбыт 10-с кылаас оҕолоро кытталлар. Викторина ыйытыыларыгар үчүгэйдик хоруйдаабыт оҕолор иккис түһүмэххэ тахсаллар. «Баар», «суох» эрэ диэн эппиэттэри туппаппыт, кэҥэтэн, сиһилии суруйарга кыһаныҥ.
[contact-form-7 id=»67428″ title=»Викторина СЫП-18″]
ААДЫРЫСПЫТ:
Эппиэттэри syp.ykt@mail.ru электроннай аадырыска, эбэтэр редакция аадырыһыгар: Дьокуускай к., Орджоникидзе уул. 31 №-дээх дьиэтэ, 236-с хоско кулун тутар 6 күнүгэр диэри тутабыт. Маны таһынан edersaas.ru уонна yaingener.ru сайтарга онлайн толоруоххутун сөп.
Ааккытын, ханнык оскуолаҕа үөрэнэргитин, төлөпүөҥҥүт нүөмэрин толору суруйаргыт булгуччулаах!
ТЭРИЙЭЭЧЧИЛЭРТЭН: Бырайыакка онус кылаас эрэ оҕолоро кыттыыны ылыахтара — улахан хампаанньалар эбийиэктэрин иһиттэн көрүөхтэрэ. Викторинаҕа толору хоруйдаргытын ыйыллыбыт аадырыска ыытыҥ. Хоруйдаабыт оҕолору Дьокуускай куоракка ыҥыран сирэй көрсөн кэпсэтэн, 20 бастыҥ оҕону талыахпыт. Кыттааччы тохсус кылааска сылдьан сүрүн эксээмэннэригэр физиканы эбэтэр химияны туттарбыт буолуохтаах. Оскуола кэнниттэн промышленнай, техническэй үөрэхтэргэ туттарсыан баҕалаах, инникитин ол идэни баһылыыр баҕалаахтары ылыахпыт.
edersaas.ru