«Викторияны» 40 000 солкуобайга ыстарааптаатылар (ВИДЕО)

Бөлөххө киир:

Ааспыт өрөбүлгэ Ил Түмэн дьокутаата Владимир Федоров Сайсары күөлүгэр кыһыны атаарыы бырааһынньыгын тэрийбитэ. 

Александр ТАРАСОВ, «Саха сирэ» хаһыат, https://edersaas.ru

Ол бырааһынньыкка Владимир Юрьевич кэргэнэ дириэктэрдиир «Виктория» миэбэл-солуона бу бырааһынньыгы ыытарыгар, муус үрдүгэр, киһи чэпчэтинэрин ууга түһэрэр ойбонноох,  туалет кабинкаларын туруорбута. Ол туһунан Еdersaas.ru сайтка биһиги суруйбуппут. Бырааһынньык биир кытттааччыта маны сүөргүлээн, батсаабынан тарҕаппыта. Онно тута СӨ Айылҕа харыстабылын министиэристибэтэ сөптөөх миэрэни ылан, туалет хомуллубута уонна административнай дьыала тэриллибитэ.

Бэҕэһээ Дьокуускайдааҕы айылҕа харыстабылын кэмитиэтигэр ити дьыала көрүллэн, быһаарыыта таҕыста: «Виктория» миэбэл-солуона 40 тыһ. солк ыстырааптанарын туһунан быһаардылар.

Кирилл Алчин, Дьокуускайдааҕы айылҕа харыстабылын кэмитиэтин бэрэссэдээтэлэ:

Бэҕэһээ кэмитиэккэ «Виктория» миэбэл-солуон аатыгар дьыаланы көрүү буолбута. Онно 40 тыһ. солк ыстырааптыыр туһунан миэрэни ылынныбыт. Күөл мууһун үрдүн тустаах тэрилтэ үчүгэйдик ыраастаата.

Маҕаһыын үлэһиттэрэ кирдээх муус үрдүн эрбээтилэр. Буруйдаммыт дьон, муус үрдүкү араҥатын барытын бысталаатылар уонна «Виктория» диэн суруктаах массыынаҕа тиэйэн бардылар.

Александр ТАРАСОВ, «Саха сирэ» хаһыат, https://edersaas.ru

ВИДЕО:

+1
0
+1
0
+1
0
+1
0
+1
0
+1
0
+1
0