Бу күннэргэ батсаабынан «Теперь WhatsApp без интернета! Активируй функцию сейчас» диэн иһитиннэрии күүскэ тарҕанна. Хомойуох иһин, бу ссылка суотабай төлөпүөҥҥэ куһаҕан дьайыылаах троян-вирус буоларын туһунан СӨ Сибээһин уонна информационнай технологияларын министиэристибэтэ иһитиннэрдэ. edersaas.ru
Интэриниэккэ холбоммотох дьон батсаабынан туһанар санааттан, арааһа, бу ссылкаҕа киирэ сылдьан, бэйэлэрэ да билбэттэринэн куһаҕан вируска «хаптарбыт» буолуохтарын сөп. Министиэристибэ исписэлиистэрэ иһитиннэрбиттэринэн, өрөспүүбүлүкэҕэ үлэлиир суотабай сибээс оператордара туһааннаах мессенджеринэн босхо хааччыйаллар. Ол эрээри технологическай өттүнэн, батсаап кэпсэтэр ситиминэн интэриниэккэ холбоммут эрэ дьон туһанар кыахтаах.
Анивера АКИМОВА, “Саха сирэ” хаһыат, edersaas.ru
+1
+1
+1
+1
+1
+1
+1