Саҥа вице-премьердэр ананнылар

Бөлөххө киир:

Бүгүн Ил Дархан эбээһинэһин быстах кэмҥэ толорооччу Айсен Николаев бырабыыталыстыба бэрэссэдээтэлин солбуйааччылары анаата.

Ол курдук, Алексей Стручков бастакы вице-премьер эбээһинэһин толоруоҕа. Кини эрдэ промышленность, экономика миниистирдэринэн, бастакы вице-премьеринэн-экономика миниистиринэн үлэлээбитэ. Былырыын “Якутскэнергоҕа” генеральнай дириэктэри солбуйааччынан анаммыта. Алексей Александрович үп-харчы, экономика эйгэтин салайыаҕа.

Бырабыыталыстыба бэрэссэдээтэлин солбуйааччылары э.т. Денис Белозеров уонна Ольга Балабкина ананнылар. Денис Георгиевич Ыччат бырабыыталыстыбатын салайан кэлбитэ. Дьокуускайдааҕы килиэп кэмбинээтин генеральнай дириэктэринэн үлэлээбитэ. Быйыл саас экономика миниистиринэн анаммыта. Бырабыыталыстыбаҕа тыа хаһаайыстыбатын эйгэтин салайыаҕа.

Оттон Ольга Валерьевна Ил Түмэн бэрэссэдээтэлин  солбуйааччынан үлэлээн кэллэ. Кини социльнай эйгэни көрүөҕэ-истиэҕэ.

Экономика миниистирин эбээһинэһин толорооччунан Майя Данилова

ананна. Кини бу иннинэ миниистири бастакы солбуйааччынан үлэлии олорбута.
Санатан эттэххэ, ааспыт нэдиэлэҕэ Айсен Сергеевич бырабыыталыстыба тутулугар

уларытыылары киллэрбитэ. Ол

чэрчитинэн, бырабыыталыстыба бэрэссэдээтэлэ 3 солбуйааччыланыахтаах.

Аграфена КУЗЬМИНА, “Саха сирэ” хаһыат.

+1
0
+1
0
+1
0
+1
0
+1
0
+1
0
+1
0