Дойду бэрэсидьиэнэ Владимир Путин бу күннэргэ Тверскэйдээҕи вагону тутар собуот оробуочайдарын кытта көрсүһүүтүгэр, төлөбүрдээх үрдүк үөрэх баар эрээри, босхо үөрэнэр миэстэлэр оннунан хаалыахтара диэн иһитиннэрдэ.
edersaas.ru
“Үөрэх төлөбүрдээх чааһа баар, баар даҕаны буолуоҕа, ол эрээри, босхо оннунан хаалыаҕа”, — диэн эттэ. Онтон биир кэлим эксэмээн (ЕГЭ) үтүө да, мөкү даҕаны өрүттэрдээҕин ыйда. Үтүө өрүттэриттэн биирдэстэринэн, биир кэлим эксээмэн киириэҕиттэн, киин куораттар үрдүк үөрэхтэрин кыһаларыгар Арассыыйа араас субъектарыттан, регионнарыттан туттарсар оҕо элбээбитин туһунан санаатын тиэртэ. Дойду үрдүнэн талааннаах оҕо элбэҕин, ол гынан баран, бу иннинэ онно хайдах тиийэр уонна кинилэр миэстэтигэр тиийэн туттарсаллара кыһалҕалааҕын эбитин иһитиннэрдэ. Биир кэлим эксээмэн киириэҕиттэн, улахан куораттартан уонна регионнартан киин үрдүк үөрэх кыһаларыгар туттарсыы ахсаана тэҥнэспитин эттэ. “Биир кэлим эксээмэн төһө даҕаны мөлтөх өрүттэрдээҕин иһин, тустаах систиэмэ үлэлиир. Ону тупсаран биэриэххэ наада”, — диэн дойду баһылыга Владимир Путин бэлиэтээтэ.
Оччотугар, бэйэтэ даҕаны аҕыйах босхо миэстэни (үрдүк үөрэххэ) сарбыйбаттарыгар эрэл күүһүрдэ.
Людмила ПОПОВА, “Саха сирэ” хаһыат, edersaas.ru