Владимир Егоров оскуола дириэктэрдэрэ хамнас боппуруоһун хонтуруолга ылалларыгар сорудахтаата

Ааптар: 
Бөлөххө киир:

СӨ үөрэҕин уонна наукатын миниистирин эбээһинэһин толорооччу Владимир Егоров оскуола дириэктэрдэрин кытта көрсүһүүтүн кэмигэр, дойду бэрэсидьиэнэ Владимир Путин ыам ыйынааҕы ыйааҕар ыйбыт бүддьүөт үлэһиттэрин хамнастарын үрдэтиигэ чааһын сыала ситэрин туһугар, туох наадатын барытын толоруҥ диэн өссө төгүл ирдээтэ.

edersaas.ru

Ити туһунан бу күннэргэ Дьокуускайга буола турар өрөспүүбүлүкэ уопсай үөрэхтээһинин тэрилтэлэрин салайааччыларын форумугар эттэ.

Оскуола дириэктэрдэрин кытта аһаҕас кэпсэтии кэмигэр, ыам ыйынааҕы ыйаах Арассыыйаны сайыннарыы чугастааҕы уонна тиэтэллээх соҕус сүрүн хайысхаларын боппуруостарын ырытыстылар. Ол иһигэр хамнас үрдээһинин эмиэ. Итиннэ олоҕуран, учуутал орто хамнаһа өрөспүүбүлүкэ үлэһитин ыйдааҕы орто дохуотугар тэҥнэһиэхтээх.

Миниистир эбээһинэһин толорооччу саҥа үөрэх дьылыгар хамнас оннунан хаалла дуо, диэн ыйытыытыгар, оскуола дириэктэрдэрэ уопсай үөрэхтээһин бары тэрилтэлэригэр урукку таһымынан хаалла диэн хоруйдаатылар. Маныаха ноҕуруусканы саҥаттан аттарыы уонна үөрэнээччи ахсаана хамсааһынын түмүгэр, саҥа үөрэх дьылыгар сорох учууталларга көннөрүүлэр киириэхтэрин сөп диэн иһитиннэрдилэр. “Чаастары аттарыынан сибээстээн, сорох учууталлар хамнастара намтыыр, хамнастара намтаабыт учууталлар хайаан даҕаны бааллар”, — диэн дириэктэрдэр бэлиэтээтилэр.

Владимир Егоров өрөспүүбүлүкэ уопсай үөрэхтээһинин тэрилтэлэрин салайааччыларыгар педагогтар хамнастарын боппуруоһун туспа хонтуруолга ылалларыгар сорудахтаата.

СӨ Үөрэҕин уонна наукатын пресс-сулууспата.

+1
0
+1
0
+1
0
+1
0
+1
0
+1
0
+1
0