Владимир Оленов – аан дойду Кубогын кыайыылааҕа

Ааптар: 
Бөлөххө киир:

Идэтийбит спортсменнар ортолоругар киирэни анньыыга аан дойду Кубогын IV түһүмэҕэ атырдьах ыйын 11-12 күннэригэр Бурятия Энхалук бөһүөлэгэр буолла. Быйылгы күрэхтэһиигэ Чилиттэн, Израильтан, Ирландияттан, Казахстантан, Узбекистантан, Кыргызстантан, Монголияттан итиэннэ дойду 12 регионуттан 167 баабый кэлэн күрэс былдьаста.

Бу күрэскэ биир дойдулаахпыт, спорт маастара Владимир Оленов 63 киилэҕэ диэри ыйааһыҥҥа 32 кг икки киирэни тэҥҥэ анньыыга 40 очукуону ылан, тэҥнээҕин булбата. Тириэньэрэ Василий Дьячковскай эппитинэн, иитиллээччитэ дьарыкка норуоттар икки ардыларынааҕы кылаастаах спорт маастарын нуорматын — 59 очукуону холкутук ылара эбитэ үһү. Владимир бэйэтэ күрэхтэһиигэ долгуйан хаалан, кыаҕын толору туһамматаҕын ыйбыт.

Балаҕан ыйын 19-гар Алуштаҕа (Крым Өрөспүүбүлүкэтэ) буолар Арассыыйа Кубогар Саха сириттэн аан дойду чөмпүйүөнэ Михаил Саввинов (68 кг), дойду Азиятааҕы зонатын финал аҥарынааҕы күрэхтэһиитин призера Руслан Лугинов (68 кг) уонна уолаттарга дойду сүүмэрдэммит хамаандатын чилиэнэ Никандр Тимофеев (68 кг) кыттыахтара. Үбүлэниитэ кыалыннаҕына, Людмила Захарова хамаандаҕа киллэриллэн биэриэҕэ.

Роман Попов, «Саха сирэ» хаһыат, edersaas.ru

Хаартыска Итэриниэттэн ылылынна.

+1
0
+1
0
+1
0
+1
0
+1
0
+1
0
+1
0