Спортсменнарбыт МОК былааҕынан Олимпиадаҕа кытталларын Путин көҥүллээтэ
Арассыыйа бэрэсидьиэнэ Владимир Путин, бэҕэһээ, ахсынньы 6 күнүгэр, 2018 сыллааҕы кыһыҥҥы Олимпийскай оонньууларга МОК былааҕынан кыттыан баҕалаах спортсменнарга былаас туох даҕаны мэһэйи оҥоруо суоҕун эттэ.
edersaas.ru
МОК ылыммыт быһаарыытыгар Владимир Путин бэйэтин санаатын бу курдук эттэ:
— Бастакытынан, маныаха сылтах биэрбиппитинэн биһиги бэйэбит буруйдаахпыт диэн быһаччы этиэххэ наада. Иккиһинэн, ити сылтаҕынан, сымнатан эттэххэ, олус чиэһинэйэ суохтук туһаннылар. Үгүс буруйдааһыннар ханнык да дакаастаммыт чахчыга олоҕурбаттар, кураанах тылынан эрэ буруйдааһын.
Арассыыйа бэрэсидьиэнэ бүтэһиктээх быһаарыныы ахсынньы 12 күнүгэр буолар спортсменнар, тириэньэрдэр кыттыылаах мунньахха — Олимпийскай түмсүүгэ ылыныллыаҕын бэлиэтээтэ.
Роман Попов, “Саха сирэ” хаһыат, edersaas.ru