Бырабыыталыстыба бэрэссэдээтэлин э.т. Владимир Солодов бүгүн Нам улууһугар сылдьан, кыстыгы көрсө ыытыллар үлэни-хамнаһы билсэр. Сарсыарда өттүгэр Маймаҕа нэһилиэгэр Владимир Солодов оскуола-саадка, Култуура киинигэр, Хатырыкка өрөспүүбүлүкэ судаарыстыбаннаһын мусуойугар, орто оскуолаҕа сырытта, саха судаарыстыбаннаһын төрүттэспит Максим Аммосов пааматынньыгар сибэкки дьөрбөтүн уурда.
Мантан күнүс бырагыраама киэҥ, ол курдук, Модукка, Тумулга, Бөтүҥҥэ, улуус киинигэр, Кириэс-Кытылга, Хамаҕаттаҕа, Никольскайга социальнай эбийиэктэргэ сылдьыаҕа. Аппааныга саҥа тутуллар Култуура дьиэтин итиэннэ «туһанааччы – ситимнэр – генерация» бириинсибинэн үлэлиир энергия көдьүүстээх буолуутун бырыайыагын эбийиэктэрин, пенополиуретан изоляциялаах, сир аннынааҕы пластиковай сылытар ситими, «Намкоммунтеплоэнерго» АУо диспетчерскэйин көрүөҕэ-истиэҕэ. Итиэннэ Нам улууһугар бэтэринээринэй сулууспа тэриллибитэ 95 сылын бэлиэтиир үөрүүлээх мунньахха сылдьыаҕа.
Раиса Сибирякова, «Саха сирэ» edersaas.ru