Үөһээ Бүлүүтээҕи детдом “Хатан” вокальнай-инструментальнай ансаамбылын солиһа Володя Климовскай «НТВ» ханаал Кыайыы күнүгэр аналлаах акциятыгар кытынна. «Ты — супер» бырайыак оҕолоро Булат Окуджава «Нам нужна одна Победа» ырыатын ыллаатылар. Манна Россия, Азербайджан, Армения, Украина, Эстония, Белоруссия талааннаах ыччата көстөр. Акция #ОднаНаВсех диэн. Омугуттан, сааһыттан тутулуга суох, ким баҕарар, бу ырыаны ыллаан, клип оҥорон ыытыан сөп.
Аан бастаан «Нам нужна одна Победа» ырыаны Андрей Смирнов «Белорусский вокзал» киинэтигэр истибиппит. «И значит, нам нужна одна Победа, одна на всех — мы за ценой не постоим» тыллар өр сыллар тухары Улуу Кыайыыны уһансааччылары, кинилэр оҕолорун, сиэннэрин, хос сиэннэрин түмэн кэллилэр. Бырайыак тэрийээччилэрэ — «НТВ» ханаал, «Sputnik» арадьыйа уонна «Одноклассники» социальнай ситим.
Акция туһунан сиһилии: http://www.ntv.ru/peredacha/Odnanavseh
«Хатан» бөлөх «Ты — супер» бырайыакка кыттыытын туһунан манна ааҕыҥ.