Ийэ хапытаалыгар даача атыылаһар туһунан Госдумаҕа сокуон барылын киллэрдилэр

«Сиэрдээх Арассыыйа» дьокутааттара Госдуумаҕа ийэ хапытаалын туһаныыны хаҥатар туһунан этии киллэрдилэр.  Ол курдук, кинилэр туруорсууларынан, ийэ хапытаалынан даача туттуохха, кэҥэттиэххэ, эбэтэр атыылаһыахха сөп буолуоҕа. Биир сүрүн ирдэбил: даача Арассыыйа иһигэр баар буолуохтаах.   

edersaas.ru

Дойдуга иккис, үһүс оҕо төрөөһүнүн өйүүр бырагыраама  2007 сылтан үлэлиэҕиттэн, ийэ хапытаалынан 7,3 мөлүйүөн ыал туһанна. Кинилэртэн улахан аҥаардара — 4,1 мөлүйүөн ыал олорор дьиэлэрин усулуобуйатын тупсардылар.

«Хапытаал харчытын  оҕо үөрэҕэр, ийэ инники биэнсийэтигэр угуу быдан кыра», — диэн фракция салайааччыта Сергей Миронов этэр. Бу туһунан дойдуга сонуну киэҥник иһитиннэрэр «РИА Новости» суруйар.

Марианна Тыртыкова, «Саха сирэ», edersaas.ru