close
“Якутцемент” саҥа сыаҕын арыйда
Бэлиитикэ - Олох-дьаһах

“Якутцемент” саҥа сыаҕын арыйда

“Якутцемент” үөрүүлээх быһыыга-майгыга социальнай уонна бырамыысыланнас эбийиэктэрин тутууга аналлаах 500 тыһыынча тонна сиэмэни оҥорон таһаарар саҥа линияны арыйда.

Дойдубут сүрүн судаарыстыбаннай бырааһынньыгар үһүс технологическай линия аһылынна. Өрөспүүбүлүкэ салалтатын аатыттан «Якутцемени» уонна «Востокцемени» бу бырааһынньыгынан эҕэрдэлиибин”, — диэтэ СӨ Ил Дарханын э.т. Айсен Николаев.

Собуот үһүс технологическай линиятын тутуу 2014 сыл бэс ыйыгар саҕаламмыта. Саха сирин тэрилтэтигэр 3,5 млрд солкуобайы собуот акционера «Востокцемент» укпута. Түөрт сыл устата «Якутцемент» баазатыгар 7 эбийиэк тутулунна. Саҥа линияҕа 7 тыһыынча тонна оборудование наада, 18 тыһыынча куб. миэтэрэттэн тахса тимир бетон туһанылынна.

Саҥа үлэ миэстэтэ

Манна оһох отделениета уонна сиэмэни үлтүрүтэр сыах баар, балар 22,5 тонна клинкери уонна чааска 100 тонна сиэмэни оҥорон таһаараллар. Собуокка саҥа 80 үлэ миэстэтэ арылынна. Онон “Якутцемент” өрөспүүбүлүкэ наадыйыытын толору хааччыйар кыахтанна.

Кэнники сылларга тутуу күүстээх тэтиминэн барар, онон бу эбийиэк олус тыын суолталаах. Өрөспүүбүлүкэ наадыйыытын сабар кыахтанныбыт”, — диэтэ Айсен Николаев.

Сыах арыллыытынан кылаабынай федеральнай иниспиэктэр Виктор Хохрин, Ил Түмэн бастакы вице-спикерэ Анатолий Добрянцев, “Востокцемент” ХЭТ генеральнай дириэктэрэ Виктор Иванов, “Хаҥалас улууһун баһылыга Гаврил Алексеев эҕэрдэлээтилэр.

Алиш Мамедов санаата

“Якутцемент” АУо салайар дириэктэрэ Алиш Мамедов «Востокцемент» көмөтүнэн тэрилтэ кыамтата улаатыыта тэрилтэ этэҥҥэ үлэлииригэр эрэ буолбакка, атын салааларга көмөлөһүөҕэ диэн бэлиэтээтэ.

#бүгүн: 1
0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

3 × один =