Икки төгүллээх олимпийскай чөмпүйүөн, ССРС, Европа, аан дойду чөмпүйүөнэ, спорт үтүөлээх маастара уонна тренерэ Иван Сергеевич Ярыгин аатынан норуоттар икки ардыларынааҕы турнир 1990 сыллаахтан ыытыллар. Бастакы күрэхтэһии Абакаҥҥа буолбута, оттон 1991 сылтан саҕалаан наар Красноярскай куоракка ыытыллар. 1999 сылтан турнир Гран-при таһымнанан ыытыллар.
Петр ПАВЛОВ, “Саха сирэ”, http//edersaas.ru
Тустуу эйгэтигэр “аан дойду аччыгый чөмпүйэнээтинэн” ааттанар түһүлгэҕэ Саха сирин бөҕөстөрө эриэ-дэхси көрдөрүүлээхтэр. Ол курдук, Петр Юмшанов – 1993, Ньургун Иванов – 1994, Александр Контоев – 2002, 2005, Виктор Лебедев – 2015, Ньургун Скрябин – 2016 сылларга Иван Ярыгин аатынан турнир кыайыылаахтарынан буолбуттара.
Бу күҥҥэ биир дойдулаахтарбыт Красноярскайдааҕы турниртан – 6 кыһыл көмүс, 11 үрүҥ көмүс уонна 10 боруонса мэтээллээхтэр, ол аата, барыта 27 наҕараада. Ону таһынан дьахталлар тустууларыгар Екатерина Мельникова иккис (2009), Анастасия Шавлинская үһүс (2011) миэстэлэнэ сылдьыбыттара.
Оттон саха бөҕөстөрүттэн бу турнир саамай элбэх мэтээлин ким ылбытай диир буоллахха, Виктор Лебедев биир кыһыл көмүс (2015), биир үрүҥ көмүс (2009) уонна икки боруонса (2010, 2015) мэтээллээх. Оттон Петр Юмшанов уонна Александр Контоев үстүү мэтээллээхтэр. Ол курдук, Петр Юмшанов биир кыһыл көмүс (1993), биир үрүҥ көмүс (1995) уонна биир боруонса (1996). Александр Контоев икки кыһыл көмүс (2002, 2005) уонна биир боруонса (2003).
Красноярскайдааҕы турнирга саха бөҕөстөрүн ситиһиилэрэ:
1990 – Сергей Степанов (48 кг), Владимир Торговкин (52 кг) – иккис миэстэ.
1991 – Николай Яковлев (57 кг) – иккис миэстэ.
1993 – Петр Юмшанов (48 кг) – бастакы миэстэ, Герман Контоев (52 кг) – иккис миэстэ.
1994 – Ньургун Иванов (48 кг) – бастакы миэстэ, Владимир Торговкин (48 кг), Алексей Варламов (52 кг), Артур Федоров (57 кг) – үһүс миэстэ.
1995 – Петр Юмшанов (48 кг) – иккис миэстэ, Алексей Варламов (52 кг) – үһүс миэстэ.
1996 – Петр Юмшанов (48 кг), Артур Федоров (57 кг) – үһүс миэстэ.
1998 – Андрей Яковлев (63 кг) – иккис миэстэ.
2002 – Александр Контоев (54 кг) – бастакы миэстэ.
2003 – Александр Контоев (55 кг) – үһүс миэстэ.
2005 – Александр Контоев (55 кг) – бастакы миэстэ, Леонид Спиридонов (66 кг) – үһүс миэстэ.
2007 – Николай Старостин (55 кг) – үһүс миэстэ.
2009 – Виктор Лебедев (55 кг), Екатерина Мельникова (63 кг) – иккис миэстэ.
2010 – Виктор Лебедев (55 кг) – үһүс миэстэ.
2011 – Анастасия Щавлинская (67 кг) – үһүс миэстэ.
2014 – Владимир Флегонтов (57 кг) – иккис миэстэ, Николай Ноев (57 кг) – үһүс миэстэ.
2015 – Виктор Лебедев (57 кг) – бастакы миэстэ, Ньургун Скрябин (57 кг), Егор Пономарев (61 кг) – үһүс миэстэ.
2016 – Ньургун Скрябин (61 кг) – бастакы миэстэ, Виктор Лебедев (61 кг) – үһүс миэстэ.
Петр ПАВЛОВ, “Саха сирэ”, http//edersaas.ru
Хаартыскаҕа: пьедестал үрдүкү үктэлигэр Александр Контоев.