-
Араас эйгэ үлэһиттэрэ кинигэ уонна киинэ туһунан тус санаалар:
Далаана, ырыаһыт, Саха эстрадатын артыыһа:
-
Кинигэ. Халед Хоссейни ааптардаах «Бегущая за ветром» арамааны сөбүлээн аахпытым. Бу арамаанынан өссө киинэ уһуллубута.
-
Киинэ.«Троя» киинэни хаста даҕаны көрүөхпүн сөп. Сахалартан «Тыал баарын тухары» киинэни сөбүлүүбүн.
Лидия Семенова, «Мисс Республика Саха»: Кинигэ. «Ангелы и демоны» диэн Дэн Браун суруйбут арамаанын сөбүлүүбүн. Олох туһунан кинигэни, олоххо буолбут түбэлтэлэр тустарынан ааҕабын.
-
Киинэ. «Зеленая миля» диэн Стивен Кинг режиссердаан 1999 сыллаахха устубут киинэтин биир тыынынан көрбүтүм. Мистическай драма уонна кэмиэдьийэ жанрдарын ордоробун.
Иннокентий Луковцев, Саха театрын артыыһа:
-
Кинигэ. Сахалыы бүтэһикпин Иван Гоголев-Кындыл айымньыларын аахпытым. Кындыл биир саамай сөбүлүүр суруйааччыларбыттан биирдэстэрэ буолар.
-
Киинэ. Бу соторутааҕыта «Поймай меня если сможешь» диэн киинэни сөбүлээн көрбүтүм. Стивенг Спилберг устубут трагикэмиэдьийэтэ. Сүрүн оруолга Леонардо Ди Каприо оонньуур.
Оксана Васильева – Гюрза, Аан дойду боксаҕа түөрт төгүллээх чемпиона, Россия спордун маастара:
-
Кинигэ. Саамай сөбүлээн Михаил Булгаков “Собачье сердце” кинигэтин аахпытым. Бу айымньыга Булгаков сүрүн дьоруойун Преображенскай уобараһын олус үчүгэйдик арыйбыт. Айымньы олус интэриэһинэй, күлүүлээх түгэннэрдээх.
-
Киинэ. “Не горюй” диэн Георгий Данелия киинэтэ буолар. Бу киинэни көрбүт киһи уйадыйар, хоргутар, биир өттүнэн үөрэр, сүргэтэ көтөҕүллэр.
- Аскалон Павлов, саха эстрадатын ырыаһыта:
-
Кинигэ. Сөбүлүүр суруйааччым уонна кинигэм Николай Лугинов «Чыҥыс хаан ыйааҕынан» айымньыта буолар. Түүр омук буоларбытын уһугуннарар улуу айымньы.
-
Киинэ. Казах омуга устубут «Коксерек» диэн бөрө туһунан киинэни оҕо эрдэхпиттэн сөбүлүүбүн. Бөрөнү иитэр оҕо туһунан үчүгэй киинэ этэ.
Афанасий Владимиров, Ыччат дьыалаларын уонна дьиэ кэргэн политикатын миниистирэ:
-
Кинигэ. Сөбүлүүр айымньым Николай Лугинов «Чыҥыс хаан ыйааҕынан» романа буолар. Оҕо сылдьан Софрон Данилов айымньыларын сөбүлээн ааҕарым. Бу кэлин Далан айымньыларын «Тыгын Дархан» уонна «Глухой Вилюй» романнары иккистээн ааҕан атыннык көрдүм, ылынным диэххэ сөп.
-
Киинэ. Сөбүлүүр киинэм «17 мгновений весны» буолар. Онтон бу соторутааҕыта «Красная капелла» диэн разведчиктар тустарынан киинэни интэриэһиргээн көрдүм.
Татьяна Каракулова, «Якутскэнерго» тэрилтэ пресс-сулууспатын салайааччыта:
-
Кинигэ. Сөбүлүүр айымньым Александра Рипли «Возвращение в Чарлстон» романа буолар. Хас уоппускам ахсын бу кинигэни хаттаан ааҕабын. Киһини күүстээх санаалыыр, иэйии киллэрэр кинигэм буолар.
-
Киинэ. Сөбүлүүр киинэм Ник Кассаветис «Дневник памяти» диэн киинэтэ буолар. Тоҕо эрэ бу киинэни көрөн киһи күннээҕи олохтон сынньанар.
Ульяна ЗАХАРОВА, Айтана АММОСОВА, Стас ИОВЛЕВ