Бүгүн өрөспүүбүлүкэҕэ Ырыа күнүн бэлиэтиибит

Бөлөххө киир:

Ыам ыйын 19 күнүгэр Саха сиригэр  Ырыа күнэ бэлиэтэнэр. Бу бэлиэ күҥҥэ анаан бүгүн Дьокуускайга араас тэрээһиннэр ыытыллыахтара.

ЫРЫА күнүн БЫРАГЫРААМАТА

Ыам ыйын 19 күнэ, 2018 с. Дьокуускай куорат, Ленин аатынан болуоссат.

11.00 -11.40

Саха Өрөспүүбүлүкэтигэр Ырыа күнүн үөрүүлээхтик аһыы

СӨ Судаарыстыбаннай филармониятын, Арчы Дьиэтин, Айыы кыһатын, Тулагы, Хатас хордара, “Дьүрүскэн”, “Оһуор” вокальнай ансаамбыллар кыттыылаах ырыаны күргүөмүнэн  толоруу.

  1. Саха Өрөспүүбүлүкэтин гимнэ
  2. Дьокуускай куорат гимнэ
  3. “Ырыа Кунэ”

11.40 -12.30

Суорун Омоллоон аатынан Опера уонна балет Судаарыстыбаннай тыйаатырын артыыстара, «Туймаада» Судаарыстыбаннай вокальнай ансаамбыл уонна ансаамбыл солистара кыттыылаах кэнсиэр.

12.30 – 13.30

Дьокуускай куорат Култууратын управлениетын айар кэлэктииптэрэ.

13.30 – 14.30

А.Е.Кулаковскай-Өксөкүлээх Өлөксөй аатынан Норуоттар доҕордоһууларын дьиэтин айар кэлэктииптэрэ уонна ансаамбыллара.

14.30 – 16.00

“Дьүһүй” сахалыы ырыа кулуубун уонна СӨ Ырыаны айааччы-ааптардарын сойууһун бырагыраамата.

16.00 – 17.00

Култуура колледжын, ХИФУ, Дьокуускай к. үөрэҕин кыһаларын кэлэктииптэрэ кыттыылаах  Ыччаттар-устудьуоннар бырагыраамалара.

17.00 — 18.00

СӨ Судаарыстыбаннай Эстрада тыйаатырын бырагыраамата.

ЫРЫА КҮНЭ

 

Х.Горохов тыллара, А.Калининскай-Луҥха Өлөксөйө муусуката.

 

Хомуһунан дьүрүһүтэн

Ырыа Күнэ уһугунна,

Кыһыл түөстээх ымыылардыын

Бииргэ тэҥҥэ ылласпыта

 

Хос ырыата:

Үчүгэйиэн Ырыа Күнэ

Арахсыспат аргыс буолта,

Сахам сирин киирбэт күнэ

Буолан дьоҥҥо сырдаабыта.

Буолан сырдаан сандаарбыта!

Аны кустук суһуохтанан

Алаас аайы ырыа хаамта,

Оһуор-үҥкүү сэлэлэнэн

Ырыа-хоһоон күҥҥэ дайда.

Сарсыҥҥыбыт сыдьаайыгар

Ырыа ыллаан көтүтэбит,

Киһи-аймах дьылҕатыгар

Өспөт уоту уматабыт!

Татьяна Маркова бэлэмнээтэ.

+1
0
+1
0
+1
0
+1
0
+1
0
+1
0
+1
0