close
Ырыынактан ылар фруктабыт, оҕуруоппут аһын туруга хайдаҕый?...
· - Бэлиэ күннэр - Олох-дьаһах - Тыа сирэ

Ырыынактан ылар фруктабыт, оҕуруоппут аһын туруга хайдаҕый?

Киһи доруобуйата аһыыр астан улахан тутулуктаах буолан, экологическай өттүнэн куттала суох, иҥэмтиэтинэн баай аһылыкка тардыстыы улаатан иһэр. edersaas.ru

Бэтэринээрдэр аһы-үөлү лабораторияҕа бэрэбиэркэлээн эрэ баран, атыылыырга көҥүллүүллэр

Уһун, тымныы кыһыннаах хотугу дойдуга олорор дьоҥҥо наадалаах битэмиини бэйэбит сибиэһэй эппит-үүппүт итиэннэ оҕуруот аһа, фрукта хааччыйаллар. Оҕуруот аһын уонна фруктаны сүрүннээн ырыынактан атыылаһабыт.

«Сайсары» Бааһынай ырыынагар ветеринарнай-чинчийэр экспертиза лабораториятыгар бэрэбиэркэлэммит эрэ ас-үөл атыыланар. Ырыынак дьаһалтата үлэтин хаачыстыбатын өссө тупсарар сыалтан төһө нитрат баарын тута бэрэбиэркэлиир нитрат-тестер диэн тэрили ылынна. Туттарга бэрт судургу, клавишалары баттаталаатахха, үс сөкүүндэ иһигэр тест оҥоһуллан, тустаах бородууксуйа биир миллиграммыгар/килограммыгар төһө нитрат баара өҥнөөх ЖК-дисплейгэ көстөн кэлэр. Ветеринарнай-чинчийэр экспертиза лабораториятын исписэлииһэ, сүүрбэттэн тахса сыл уопуттаах бэтэринээр быраас Светлана Бухникашвили маннык кэпсиир:

Биһиги урут нитраттары «Марион» диэн киһи бэйэтэ суоттаан таһаарар, уустук соҕус тестерынан көрөрбүт. Билигин атыылаһааччылар ылбыт фрукталарын, оҕуруоттарын аһын саҥа аппаратынан төһө баҕарар бэрэбиэркэлээн, түмүгүн тута көрөр кыахтаннылар. Саҥа аппаракка аһылык хас биирдии көрүҥэр нитрат көҥүллэнэр концентрацията (ПДК) чопчу ыйылла сылдьар. Холобур, биир киилэ дьаабылакаҕа нитрат ПДК-та 60 мг буолар. Биһиги ырыынакка аҕалыллар аһы-үөлү барытын лабораторияҕа бэрэбиэркэлээн эрэ баран атыылыырга көҥүл биэрэбит, нитрата көҥүллэнэр дозатыттан элбэх, хаачыстыба ирдэбилигэр сөп түбэспэт бородууксуйаны туоратабыт. Ол эрээри, элбэххэ туох суох буолуой? Онон атыылаһааччы атыыласпыт оҕуруотун аһын эбэтэр фруктатын манна бэйэтэ эмиэ бэрэбиэркэлиэн сөп.

Раиса Сибирякова, edersaas.ru

 

#бүгүн: 1
2
1

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

5 × три =