Бэҕэһээ, сэтинньи 17 күнүгэр, Нам улууһугар ыттар 8 саастаах кыыс оҕоҕо саба түстүлэр.
edersaas.ru
Бу туһунан РФ Силиэстийэлиир кэмитиэтин Саха сиринээҕи управлениета иһитиннэрдэ.
Силиэстийэ сабаҕалыырынан, киэһэ 20 чаас саҕана Нам улууһун киин балыыһатыгар оскуолаттан кэлэн иһэн, ыттарга ытыттарбыт оҕону киллэрбиттэр.
Медиктэр ыарахан туруктаах кыысчааны интенсивнэй терапияҕа сытыарбыттар.
Силиэдэбэтэллэр быһылаан буолбут сирин үөрэтэн, көрбүт дьонтон ыйыталаһан, бу чахчынан процессуальнай бэрэбиэркэ ыыталлар. Ол түмүгүнэн, процессуальнай уураах тахсыаҕа.
СӨ Борокуратууратын пресс-сулууспата иһитиннэрбитинэн, ыттар оҕо төбөтүн уонна саннын ытырбыттар.
Нам улууһун борокуратуурата дьон олоҕор уонна доруобуйатыгар куттал суох буолуутун хааччыйар боломуочуйалаах үлэһиттэри бэрэбиэркэлиир. Ол бэрэбиэркэ түмүгүнэн, борокуратуура миэрэ ылыаҕа.
Маны сэргэ, силиэстийэ иннинээҕи бэрэбиэркэ түмүгүнэн сокуоннай уонна оруннаах быһаарыы тахсарын хонтуруолга ылла.
Биһиги корр., «Саха сирэ» хаһыат, edersaas.ru
Хаартыска: интэриниэттэн.