«Юнион» салайар хампаанньа эдэр үлэһиттэрэ «Вызов – кузов!» диэн экологическай аахсыйа чэрчитинэн субуотунньуктаатылар.
Раиса Сибирякова, “Саха сирэ” хаһыат,https://edersaas.ru
Дьокуускай куорат дьаһалтата быйылгы сылы Үтүө санаа сылынан биллэрбитэ итиэннэ Куорат күнүн көрсө 385 быраҕыллан сытар массыыналар куусаптарын хомуйан, утилизацияҕа туттарар соругу туруорбута. Билиҥҥи туругунан, куорат уонна куорат таһынааҕы бөһүөлэктэр истэриттэн 32 хаарбах куусап дьаһалынна.
Куорат сэттэ сүүс дьиэтин көрөр-истэр «Юнион» салайар хампаанньа эдэр үлэһиттэрэ бэҕэһээ Сайсарыга, Гимеин түөлбэтигэр быраҕыллан сытар түөрт куусабы манипуляторынан тиэйдилэр.
— Биһиги бу аахсыйаҕа ким да күһэйиитэ суох, бэйэбит баҕа өттүбүтүнэн тахсан үлэлээтибит, — дэһэллэр кинилэр. — Куораппыт ыраас буолуон, күөҕүнэн чэлгийиэн баҕарабыт. Кэлэр сырыы эстэпиэтэтин “Прометей” салайар хампаанньа кэлэктиибигэр туттарабыт.
Раиса Сибирякова, “Саха сирэ” хаһыат, https://edersaas.ru
+1
+1
+1
+1
+1
+1
+1