Юрий Гагарин бэчээттэнэ илик хаартыскаларын бастакынан көрүҥ

Бөлөххө киир:

СӨ Национальнай бибилэтиэкэтэ Сэбиэскэй сойуус бастакы космонаба Юрий Гагариҥҥа аналлаах «Первый гражданин вселенной» диэн быыстапканы тэрийэр.


1968 с. кулун тутар 24 күнүгэр бастакы космонавт бүтэһик интервьютун «Огонек» сурунаалга биэрбитэ. Бу күн Сулустаах куоракка кини кыбартыыратыгар сурунаал анал кэрэспэдьиэннэрэ Алексей Голиков уонна Дмитрий Ухтомскай кэлбиттэрэ. Оттон «Огонек» эрэдээксийэтин сэбиэдиссэйэ Валентин Филатов эмиэ кэлсибитин үгүс киһи билбэт. Валентин Филатов кэлиитин сүрүн соругунан Юрий Гагарины, Алексей Леоновы уонна Валерий Быковскайы эрэдээксийэҕэ «төгүрүк остуолга» ыҥырыы этэ. В.Филатов дуогабардаспытын курдук, Юрий Алексеевич эрэдээксийэҕэ кулун тутар 27 күнүгэр, сэрэдэ күн, 17.00 чааска кэлиэхтээҕэ. Ол гынан баран, ол кыаллыбатаҕа…
Дьокуускай куорат олохтооҕо Алексей Иванов кэлиэксийэтигэр Юрий Гагарин олоҕун тиһэх күннэрин хаартыскалара уонна 1968 с. кулун тутар 24 күнүгэр космонавт дьиэ кэргэнинээн түспүт хаартыскаларын негативтара бааллар. Алексей Иванов ол хаартыскалары «Первый гражданин вселенной» быыстапкаҕа үөрүүнэн биэрдэ.
Дьиктитэ диэн, космонавт бүтэһик интервьюта уонна кини бүтэһик хаартыскалара баалларын кыраныысса таһыгар, чуолаан Европаҕа, Америкаҕа, билбэттэр. Онон, киин куорат олохтоохторугар уонна ыалдьыттарыгар ханна да туруорулла уонна бэчээттэнэ илик хаартыскалары аан бастаан көрөр кыах биһиэхэ баар.
А.Пушкин аатынан Национальнай бибилэтиэкэ иккис мэндиэмэнигэр быыстапканы кэлэн босхо көрүҥ.

Надежда ЕГОРОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0