Хас биирдии киһи оскуола кэмигэр идэтин таларыгар олус эппиэттинэстээх хардыыны оҥорор. Сорох оҕо идэтин таларыгар олус ыарырҕатар, сорох ардыгар бэйэтигэр сөбө суох идэтигэр тайанар. Саха сирин улуустарын ыччатын «ЗЁМА» түмсүүтэ оҕолорго көмөлөһөр, сүбэ-ама биэрэр соруктаах Мэҥэ Хаҥалас Томтор, Ороссолуода, Хаптагай нэһилиэктэригэр тиийэн идэҕэ туһаайар үлэ ыытан кэллибит. Уопсайа аҕыс уонча оҕону кытта үлэлээтибит.
«Ыччат десана» диэн ааттаах үөрэҕи үс хайысханан ыыттыбыт. Бастататан туран, орто уонна үрдүк үөрэх кыһаларын туһунан сырдаттыбыт. Ол кэнниттэн оскуола оҕото киэҥ сиргэ тахсарга бэлэмнэниитэ биэс хайысханан ааста. Ол курдук «Бэйэни көҕүлээһин», «Истириэһи аһардыы», «Саҥарар-иҥэрэр талаан», «Хамаанданан үлэ», «Бириэмэни сөпкө аттарыы».
Киэһэ өттүгэр нэһилиэк олохтоохторугар анаан ырыа-тойук кэнсиэрин ыыттыбыт. Олохтоохтор олус сэҥээрэн, үөрэн-көтөн, устудьуон сылларын санаан ылбыттарын бэлиэтээн эппиттэрэ.
Томтор орто оскуолатын, Хаптаҕай орто оскуолаларыгар, Ороссолуода култуура киинигэр уонна Ыччат дьыалаларыгар уонна дьиэ кэргэни бэлиитикэтин министиэристибэтигэр.
Виолетта Попова, «Зема» түмсүү чилиэнэ.
