Хамнас намыһах итиэннэ олорор дьиэнэн-уотунан хааччыйыы мөлтөх буолан, үрдүк үөрэҕи бүтэрбит эдэр исписэлиистэр ааспыт өттүгэр тыа сиригэр бара сатаабаттар этэ. Итини туоратар сыалтан бэрэсидьиэн Владимир Путин сорудаҕынан, бастаан үөрэхтээһин, онтон доруобуйа харыстабылын эйгэтигэр эдэр исписэлиистэри олохсутан үлэлэтэргэ бэрт көдьүүстээх дьаһаллар олоххо киллэриллибиттэрэ.
Ол курдук, 2012 сылтан олоххо киллэриллибит «Земскэй луохтуур» уонна “Земскэй биэлсэр” федеральнай бырагыраамаларынан элбэх эдэр эмчит (быраастар, биэлсэрдэр) улуустарга, нэһилиэктэргэ үлэлии-хамсыы сылдьар.
Аны билигин сүөһү луохтуурдарыгар анаан «Земскэй бэтэринээр быраас» федеральнай бырагыраама оҥоһулла сылдьарын туһунан Бэтэринээрийэ департаменын сэбиэтин мунньаҕар Тыа хаһаайыстыбатын судаарыстыбаннай академиятын бэтэринээрийэҕэ факультетын декана Галина Протодьяконова иһитиннэрдэ.
Раиса СИБИРЯКОВА, «Саха сирэ» хаһыат, edersaas.ru
+1
+1
+1
+1
+1
+1
+1